Sot mbi vendin tonë priten reshje mesatare në qarkun Shkodër shoqëruar me shtrëngata. Në qarqet Kukës dhe Lezhë priten reshje të dobëta dhe lokalisht mesatare, ndërsa në pjesën tjetër të qarqeve priten reshje të dobëta (siç tregohet në tabelë, respektivisht për secilin qark).
Në veri të vendit, reshjet pritet të jenë në formën e dëborës, të cilat pritet të zbresin deri në lartësinë 900m mbi nivelin e detit, sipas Institutit të Gjeoshkencave.
Temperaturat minimale dhe maksimale të ajrit pritet të arrijnë:
në bregdet: 10 / 17 °C
në vendet e ulëta: 9 / 15 °C
në vendet malore: 2 / 13 °C
Era pritet të fryjë mesatare deri e fortë.
