Gjykata e Tiranës ka lënë me burg për 31-vjeçarin Gleard Gushollin, i cili mori peng dhe dhunoi barbarisht partneren e tij një 28-vjeçare.
Miqë e tij dhe kunati të cilët e ndihmuan që të tentonte të arratisej u është caktuar masa detyrim paraqitjeje.
Vetë e reja, e cila ndodhet në spital pas një operacioni, ka deklaruar se Gusholli ka tentuar ta vrasë, ndërsa sipas saj, kjo nuk ishte hera e parë që ai e dhunonte.
“Glearti me ka dhunuar me këmbë karrigeje, me godiste me shkelma dhe grushte. Kam tentuar të hidhem nga i pestë nga dhuna”, ka thënë e reja.
Gjithashut edhe avokati i së resë, kërkoi rikualifikim të veprave penale që rëndojnë mbi 31-vjeçarin, në pengmarrje dhe tentativë vrasje.
Gleard Gusholli dyshohet që të gjitha veprimet i ka kryer gjatë kohës që ndodhej nën efektin e lëndëve narkotike. Shkak për ngjarjen e rëndë dyshohet se u bë xhelozia, pasi në deklarimet e para që ka dhënë para hetuesve, Gusholli ka thënë se dhunën e ka ushtruar pasi dyshonte se e reja e tradhtonte.
