Gjykata e Lartë ka vendosur ekstradimin drejt Turqisë të bosit të kriptovalutave, Faruk Ozer, i cili është shpallur në kërkim dhe kërkohet nga drejtësia në Ankara për mashtrim me vlerë të mëdha.
Faruk Fatih Özer akuzohet se në 2017 ka krijuar një platformë online të quajtur “Thodex” me funksion shkëmbimin e kripto-monedhës.
Pasi ka akumuluar afërsisht 2 miliardë USD pasuri në asete dixhitale ai e ka mbyllur atë dhe të gjitha rrjetet sociale dhe është larguar nga Turqia.
Për këto arsye Faruk Fatih Özer ishte shpallur në kërkim ndërkombëtar.
U kap në Himarë në Shqipëri vitin e kaluar dhe Turqia kërkon ekstradimin që sot u vulos.
