Deputetja Monika Kryemadhi ka depozituar sot në Gjykatën e Tiranës një padi civile, që nesër do të pasohet me një kallëzim penal kundër “Top Channel” me argumentin se e ka denigruar përmes mashtrimeve.
“Sot jam këtu për të dorëzuar një padi civile për shoqërinë Top Channel që në mënyrë të vazhduar ka ushtruar denigrim, intimidim dhe mashtrim ndaj figurës sime si person publik, si deputete, politikane dhe si individ. Kërkoj një dëmshpërblim 400 mijë Euro” tha ajo.
Akuzave të cilat u referohet ish-kryetarja e LSI-së lidhen me denoncimet për dyshimet se Kryemadhi ka marrë pagesa të dyshimta nga kompani dhe oligarkë rusë të naftës të lidhur me Kremlinin.
