Silvi Bardhi, zëdhënësja e kandidatit për kryetar bashkitë të Tiranës, Belind Këlliçi denoncoi sot se Erion Veliaj ka bërë emërime nepotike në bashki në dy mandatet që ka drejtuar.
“Gjatë një vëzhgimi të pjesshëm të nëpunësve, tek 270 emra, rezultojnë 127 emërime nepotike. Drejtuesit më të rëndësishëm të Bashkisë kanë futur familjarët dhe të afërmit në pozicione të rehatshme, me rroga të mira.
Kjo është e padrejtë. Taksapaguesit më të varfër të Europës nuk kanë pse të sakrifikojnë kaq shumë, që Erion Veliaj të duket bukur në publik.
Duhet ndryshim. Qytetarët e Tiranës e kanë në duart e tyre ta kthejnë Bashkinë në normalitet e në shërbim të qytetit, jo të kryetarit” tha ajo.
Kliko KETU për të lexuar listën me emrat që denoncoi PD
