Një aksident i rëndë ndodhi sot në Korçë në aksin rrugor Dishnicë – Çiflig. Si pasojë një 15-vjeçar, Rei Sherifi ka humbur jetën, ndërsa vëllai i tij Kevi Sherifi është plagosur. Aksidenti ka ndodhur në afërsi të fushës së mbetjeve urbane të qytetit të Korçës.
Dy vëllezërit kanë qenë duke udhëtuar nga Bilishti në drejtim të Korçës, mjeti i tyre ka humbur kontrollin dhe është përplasur me barrierën mbrojtëse në krahun e kundërt të rrugës.
Makina është shkatërruar plotësisht nga përplasja me barrierat që do të thotë se shpejtësia e lëvizjes ka qenë e madhe. I plagosuri ndodhet në spital nën kujdesin e mjekëve.
