Kryetari i Lëvizjes Qytetare “Odgovor”, Boban Bogdanoviç është shprehur se për dy ditë ka pranuar telefonata që të mos e kritikojë Listën Serbe dhe presidentin serb, Aleksandar Vuçiç.
Sipas Bogdanoviçit, në këmbim i kanë ofruar një pozitë ministrore dhe të jetë nënkryetar i Listës Serbe.
“Dje dhe sot pata disa telefonata, ata më luten që të mos kritikoj më Listën Serbe dhe Aleksandar Viçiçin dhe në këmbim më ofruan të bashkohem me Listën Serbe e të jam nënkryetar dhe ministër i parë i saj në Qeverinë e Kosovës pas zgjedhjeve të ardhshme. Nderi im nuk ka çmim!”, ka shkruar ai në Twitter.
