Kryeministri Edi Rama do të shpenzojë 5 milionë euro për rikonstruksionin e vilës qeveritare nr.5. Në faqen e prokurimeve publike është publikuar dokumenti që mban vulën e Drejtorisë së Shërbimeve Qeveritare në varësi të kryeministri Edi Rama që tregon se është finalizuar procedura e kontratës.
Objekti i kontratës është “zbatimi, projekt rivitalizimi i rezidencës qeveritare vila nr. 5”, ndërsa fondi limit i këtij tenderi është plot 499.696.978 lekë pa TVSH, ose me TVSH, 5 milionë euro.
Punimet pritet që të kryhen brenda një periudhe kohore prej 6 muajsh, ndërkohë që fituese është shpallur firma “Ad-Star”.
Pak kohë më parë qeveria Rama firmosi instalacionin në ambientet e Kryeministrisë ku të shpenzohen 4 mln euro. Duke llogaritur edhe rikonstruksionin e vilës së Enverit në Bllok shuma për tre tenderat kap mbi 10 milionë Euro.
