Drejtori i Policisë së Shtetit Muhamet Rrumbullaku ka dalë në një konferencë për mediat në lidhje me vrasjen e biznesit Ardian Nikulaj.
Ai bërë me dije se grupi hetimimore ka vepruar duke marrë në pyetjet persona të cilët dyshohet se kanë informacione në lidhje me ngjarjen.
“Jemi sot për të komunikuar veprimtarinë hetimore për ngjarjen kriminale në Shëngjin ku është vrarë me armë zjarri Ardian Nikulaj.
Pas ngjarjes, u ngrit një grup i posaçëm hetimor, me qëllim dokumentin dhe zbardhjen e autorësisë. Policia e Shtetit e vlerëson këtë ngjarje dhe për zbardhjen janë sekuestruar një sërë provash që shërbejnë për dokumentin e ngjarjes.
Janë gjetur gëzhoja, armë zjarri, , telefon dhe disa prova të tjera biologjike. Janë dokumentuar veprimet e autorit të dyshuar dhe e gjithë dinamika e shtetasve të përfshirë në këtë ngjarje kriminale. Janë siguruar prova shkencore biologjike të pakundërshtueshme”, tha ai.
