Në vrasjen e biznesmenit Ardian Nikulaj janë përfshirë gjashtë persona. Një shqiptaro-britanik është në krye të organizimit. Ai bashkëpunoi me katër anglezë dhe një portugez.
Kështu deklaroi sot zyrtarisht drejtori i policisë së shtetit, Muhamet Rrumbullaku në një konferencë për mediat. Të gjithë janë në kërkim. Asnjë i arrestuar. Të gjithë të arratisur. Vrasja, tha ai po hetohet për gjakmarrje.
“Policia e vlerëson këtë ngjarje. Janë sekuestruar një sërë provash për ta dokumentuar. U gjetën gëzhoja, armë zjarri në vendin e ngjarjes. Provat e siguruara janë të pakundërshtueshme.
Janë dokumentuar organizimi dhe vrasja nga ekzekutori dhe të përfshirët e tjerë. Në përfundim nga provat që kemi siguruar dhe sekuestrimet janë caktuar masat e sigurisë për gjashtë persona për vrasjen e biznesmenit për gjakmarrje” tha ai.
