Zbardhen detaje nga vrasja e Ardian Nikulajt si dhe dinamikës së ngjarjes. Personi kyç që çoi policinë në gjurmët e skuadrës së vrasjes ishte e dashura e organizatorit Edmond Haxhia. Sipas dëshmisë së vajzës, motori i përdorur për vrasjen është blerë prej saj në Tiranë, tek “21 Dhjetori”.
“Si je Ardian?”/ Kush e mësoi vrasësin portugez që të fliste shqip?
“Motorin e kam blerë unë, e kam parë më vonë te magazina e shtëpisë së Edmondit në Kakarriq të Lezhës. Portugezin e kam dërguar në një hotel në zonën e Shëngjinit, shumë pranë “Coralit” dhe të nesërmen në Shkodër.
Dy numrat me të cilët ka komunikuar Edmond Haxhia, janë regjistruar në emër të një vajze nga fshati Zejmen Lezhë, e cila punon si menaxhere e një lokali në Tiranë.
Portugezi përshëndeste gjithmonë banorët e Kakarriqit në gjuhën shqipe, por me Edmondin komunikonte në anglisht. Ribero Saraiva ka hyrë në Shqipëri nga Rinasi dhe doli nga Kapshtica” tha vajza.
Tradhtari ishte në krevat, kush e spiunoi organizatorin e vrasjes së biznesmenit?
Hetimi ka provuar se në një nga sendet e përdorura në dhomën e hotelit nga Harry Simpson, mes tyre edhe bishta cigaresh është përftuar profil i njëjtë gjenetik me atë të gjetur në disa veshje të gjetura në automjetin e marrë me qira nga Edmond Haxhia.
