Në vrasjen e biznesmenit në Shëngjin në datë 19 Prill ishin të përfshirë katër anglezë, veç organizatorit shqiptar dhe ekzekutorit portugez. Tashmë pritet që drejtësia shqiptare të nisë letër-porositë dhe t’i shpallë në kërkim ndërkombëtar.
Por si arriti njëri prej anglezëve, Harry Simson që të arratiset me shpejtësi duke u hequr si i tronditur pas vrasjes, që e pa me sy në hotelin “Coral”.
Largimi i shpejtë i anglezit pas vrasjes së Nikulajt, çoi hetuesit tek pronari i hotelit në qendër të Shëngjinit, ku i huaji qëndroi duke kontrolluar lëvizjet e biznesmenit. Ai tregoi bisedën e fundit me “turistin” para se të largohej.
“Erdhi i shokuar, më tha do largohem menjëherë, nuk do të vij më në Shqipëri”, tha pronari i hotelit për klientin e tij që u largua nga aeroporti i Rinasit mbrëmjen 19 prillit, pak orë pas ngjarjes.
“Më duket pa gjithçka me sytë e tij, kur vranë Ardjanin. Bënte plazh, shëtitje, i pëlqente Shëngjini” tha biznesmeni pa ditur që në fakt ai kishte qenë një nga spiunët e biznesmenit duke njoftuar grupin për lëvizjet që u mbyllën me vrasjen e Nikulajt.
Gabimet që zbardhën vrasjen;
Hyrja në mënyrë të rregullt në Shqipëri
Lëvizjet për kontrollin e objektivit u fiksuan nga kamerat
Përdorimi i shpeshtë i telefonave
Blerja e motorit në Shkodër
Biseda në gjuhë të huaj me punonjësin e karburantit
Veshja që u gjet në një banesë në Gjadër
Dokumenti i identifikimit dhe telefoni
Në kërkim nga policia dhe skema e vrasjes së Ardian Nikulajt;
Edmond Haxhia, shqiptaro-britanik (porositësi dhe financuesi i atentatit)
Ruben Saraiva (ekzekutori portugez)
Harry Simson, britanik
Harriet Bridgeman, britanike
Thomas Mithan, britanik
Steven Hunt, britanik (shfaqet në kamerat e sigurisë teksa vëzhgon lëvizjet e Nikulajt)
