Policia kufitare ka arrestuar 2 persona pasi në autobusin e Linjës Durrës-Milano u gjetën dhe u sekuestruan mbi 13 kg heroinë.
Shërbimet e Policisë kanë gjetur të fshehura në pjesën e pasme të autobusit, 26 pako të mbështjella me natriban, brenda të cilave kishte lëndë narkotike të dyshuar heroinë me peshë totale 13 kilogramë e 750 gramë, e cila u sekuestrua në cilësinë e provës materiale.
Në pranga ranë 32-vjeçari Mikel Pici i cili është pronari i firmës së linjës si dhe shoferi 57-vjeçrar Piro Rushi,
Gjatë kontrollit fizik, shtetasit Mikel Pici iu gjet një dozë lënde narkotike kokainë. Gjithashtu u sekuestruan edhe 8 celularë.
Materialet procedurale i kaluan Prokurorisë pranë Gjykatës së Durrësit për veprime të mëtejshme, për veprën penale “Trafikimi i lëndëve narkotike”, kryer në bashkëpunim dhe “Prodhimi dhe shitja e narkotikëve”.
