Zbardhen detaje të reja nga sekuestrimi i heroinës në Portin e Durrësit.
Shoferi dhe pronari i linjës së autobusëve Durrës-Bari që janë arrestuar kanë mohuar që të kenë pasur dijeni.
Drejtuesi i mjetit, 57-vjeçari Piro Rrushi ka deklaruar se nuk ka pasur dijeni për sasinë e lëndës narkotike që u gjet brenda autobusit.
Edhe pronari i linjës, 32-vjeçari Mikel Pici ka mohuar që të ketë lidhje me këtë rast të trafikut.
Ditën e djeshme gjatë kontrollit në vijën e dytë, policia gjeti një sasi mbi 13 kilogramë heroinë.
Lënda narkotike ishte e paketuar në 26 pako, e mbështjellë me letër natriban ndërsa ishte futur në një vend të veçantë në pjesën e pasme të autobusit.
