Ditën e sotme po zhvillohet në Gjykatën Kushtetuese seanca për konfiskimin e ndërtesave pa leje me VKM të qeverisë. Dy herë seanca u shty për shkak të kërkesave të gjykatës për ankuesin, padinë e deputetëve të PD-së për parregullsi.
Konkretisht për çështjen e firmave të dy deputetëve të cilët janë larguar, pasi kanë dhënë dorëheqjen, ndërsa firmat u zëvendësuan me tre firma të tjera, gjithashtu edhe autorizimi për avokatin.
Sot 29 deputetet e PD kanë autorizuar avokatin Marash Logun për t’i përfaqësuar në seancë, që është pranuar nga anëtarët e Kushtetueses.
Gjithashtu deputetët kanë autorizuar Gazment Bardhin dhe Dhurata Çupin, si përfaqësues të tyre në seancë. PD kërkon që të anulohet VKM-ja që legalizon katet e ndërtimeve pa leje në qendër të Tiranës dhe përreth.
