Ai është një nga figurat më të diskutuara në Big Brother Vip, me batutën gati, humorin dhe debatet me këngëtarin Luizi Ejlli, arriti të jetë një nga protagonistët e këtij formati. Bëhet fjalë për tenorin Armaldo Kllogjeri, i cili gjatë qëndrimit në shtëpinë më të famshme në Shqipëri mori nofkën “Maestro” nga aktorja Olta Gixhari.
Gjatë një interviste për emisioni “Vila24”, ai tha se ky edicion i BBV do të mbahet mend veç për atë, Luizin dhe Oltën.
“Nuk e kisha menduar finalen por me kalimin e kohës duke parë ecurinë po i thoja vetes pse të mos jem pjesë e saj. Nuk u bë e mundur, tani pak rëndësi ka, e rëndësishme është që unë u bëra personazh, rëndësi ka që njerëzit të më duan, dhe BBV do mbahet mend për tre veta: Unë, Olta dhe Luizi”.
I pyetur për dhuratën që do t’i bëj çiftit Luiz – Kiara në dasmën që do të organizohet në finalen e BBV, Armaldo zbuloi se cila do të jetë surpriza që ka për ta.
“Di që do të ketë celebrim, por me orkestër e muzikë e të kërcejmë e të këndojmë nuk e di, por edhe nëse është kështu do e festojmë. Të them të drejtën dhuratën nuk e kam menduar, do i jap një zarf se kjo zgjedhja e dhuratave është e vështirë, nusja ka shije tjetër unë tjetër, a ju pëlqen atyre, problem dhe vendi ku do e vendosin etj. Më mirë zarfin e të bëjnë ç’të duan”-tha Armaldo.
Moderatorja: E ka të rëndë zarfin Luizi dhe Kiara?
Armaldo Kllogjeri: Unë do shtri këmbët sa të kem jorganin.
