Fshehën një 17-vjeçare në bagazhin e automjetit tip “BMW me të cilin udhëtonin me qëllim hyrjen në vendin tonë, në kundërshtim me ligjin arrestohen në flagrancë dy 23-vjeçarë nga Kosova, A. M. dhe pasagjeri N. K.
Gjatë kontrollit të ushtruar në bagazh policia gjeti të fshehur vajzën banuese në Prishtinë.
Nga verifikimet ka rezultuar se 17-vjeçarja kishte tentuar edhe më parë të hynte në vendin tonë, por për shkak të moshës, nuk ishte lejuar të hynte e pashoqëruar, sipas përcaktimeve ligjore në fuqi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
