Kryetari i Partisë së Lirisë, Ilir Meta ishte pasditen e sotme në Fier në mbështetje të kandidatit të koalicionit “Bashkë Fitojmë”.
“Edhe gjashtë ditë edhe Shqipëria do të japë një mesazh të jashtëzakonshëm. Ky ka ikur nga mendorja fare. Zyrën e kryeministrit e di se e ka private dhe prandaj gjysmën i ka nëpër burgje” tha ai.
Një përgjigje të fortë e kishte edhe për reformën në drejtësi. “24 vite për të mbaruar një çështje në apel. Mbyll gjykata këtej dhe mbyll andej, që qytetarët të mos i ndjekin të drejtat e tyre” tha ai.
Pasi dënoi gjuhën e Majlinda Bufit që u denoncua për presion nga një emision investigativ, Ilir Meta porositi strukturat për të dokumentuar krimet zgjedhore.
“Qytetarët të regjistrojnë cdo gjë, krimet zgjedhore me telefon dhe ta denoncojnë. Gjithçka të fotografohet dhe denoncohet” tha ai.
