Kreu i PL-së Ilir Meta ka shprehur mbështetjen e tij për kandidatin e koalicionit “Bashkë Fitojmë” për bashkinë e Kavajës, Fisnik Qosja.
Meta përmes një postimi në Facebook shkruan se Kavaja është qyteti simbol i demokracisë dhe do të jetë pas 14 Majit dhe qyteti simbol i Ndryshimit, pasi sipas tij do zgjedhë një administrator të shkëlqyer si Fisnik Qosja, i cili në themel të punës së tij si kryebashkiak i ardhshëm ka dashurinë për qytetin e tij dhe dëshirën për t’ju shërbyer bashkëqytetarëve të tij.
Ai shtoi më tej se Kavaja do të votojë për planin e Fisnik Qoses, i cili ofron mbështetjen absolute për të rinjtë, zero taksa për çdo biznes që ata do të hapin, në mënyrë që të rinjtë ta ndërtojnë të ardhmen në qytetin e tyre.
