Një aksident i rëndë ka ndodhur paraditen e sotme në qytetin e Shkodrës, ku një automjet ka përplasur te vijat e bardha një qytetare.
Për pasojë kjo e fundit është plagosur rëndë, ndërsa është dërguar menjëherë në spital për marrjen e ndihmës së nevojshme mjekësore.
Pas përplasjes, kanë qenë të shumtë qytetarët, që i kanë ardhur në ndihmë, ndërsa në vendin e ngjarjes ka shkuar policia, e cila ka shoqëruar shoferin e mjetit.
Njoftimi i policisë:
Rreth orës 09:50, në sheshin “Demokracia”, shtetasi A. R., 65 vjeç, duke drejtuar automjetin, ka përplasur shtetasen N. Gj., 55 vjeçe (këmbësore), e cila po merr aktualisht ndihmën mjekësore, në Spitalin Rajonal Shkodër.
65-vjeçari është dërguar në ambientet e Komisariatit të Policisë Shkodër, për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të aksidentit.
