Autori i dyshuar për vrasjen e Ardian Nikulajt në Shëngjin, portugezi Ruben Saraiva është arrestuar këtë të hënë në Marok.
Policia marokene pas shkëmbimit të informacionit mes Interpol Tiranës dhe Interpol Rabat, Marok, ka bërë të mundur lokalizmin në Rabat, Marok, kapjen dhe vënien në pranga, me qëllim ekstradimin drejt Shqipërisë të 28-vjeçarit.
Paraprakisht dyshohet se Ruben Saraiva ka shkuar në Marok me dokumente false. Në momentin e arrestimit ai ka qenë i ulur në një lokal në kryeqytetin e Marokut, Rabat.
Tashmë ka ngelur dhe një shtetas në kërkim për vrasjen e Nikulajt. Bëhet fjalë për Harry Simson, britanik. Edmond Haxhia, Stephen Hunt dhe Thomas Mithan u arrestuan.
Kronologjia e lëvizjeve të portugezit! Erdhi në Shëngjin, vrau biznesmenin, nga Greqia në Marok
Edmond Haxhia me shtetësi shqiptare dhe britanike, është kushëriri i Elton dhe Klodian Lestakajt, të cilët 7-vite më parë akuzonin Ardian dhe Arben Nikulajn për vrasjen e dy familjarëve të tyre.
