Pas arrestimit të kandidatit të “Bashkë Fitojmë” për Himarën Fredi Belerit, kreu i PBDNJ Vangjel Dule ka shkuar menjëherë në ambientet e komisariatit të Himarës.
Në një komunikim të shkurtër për mediat ai e quan arrestimin sulm të pastër politik i orkestruar nga kryeministri Rama.
“Pas një jave delirumi, gjuhë urrejtje, përçarjeje, stigmatizimi të Kryeministrit Rama kundër kandidatit të ‘Bashkë Fitojmë’ në Himarë, me urdhër të tij forca policore rrëmbyen në qendër të qytetit rrëmbyen z. Beleri dhe avokatin avokatin e tij. Ata sapo kishin dalë nga një darkë.
Akt i paprecedentë dhe i pashpjegueshëm nga çdo optikë demokratike, një fenomen që ka lidhje me regjimet totalitare.
Të lirohet menjëherë z. Beleri, të garantohet vota dhe Rama të heqë dorë një herë e mirë nga përpjekja për të tjetërsuar vullnetin e sovranit“, tha Dule për mediat.
