Avokati i Fredi Belerit, Romarjo Meminaj u shpreh për mediat jashtë komisariatit të policisë Vlorë se nuk ka asnjë provë për arrestimin e klientit të tij.
Ai tha se nuk po shpërndante lekë për vota dhe se paratë e sekuestruara i përkasin dikujt tjetër dhe jo Belerit.
“Ishte duke darkuar në lokal. Dolën jashtë. Në atë moment i shkoi policia dhe e arrestoi. Kushtet e flagrancës nuk ekzistojnë. Beleri nuk u kap as me lekë dhe asgjë. Lekët i kishte një person tjetër që nuk ka lidhje me Belerin.
Gjendja shëndetësore nuk është e mirë, ka gjendje të rënduar psikologjike dhe emocionale. Ambasadorja greke erdhi u interesua sepse Beleri është shtetas grek” tha ai.
