Ka përfunduar takimi i kryeministrit të vendit, Albin Kurti, me ambasadorët e vendeve të QUINT-it në Kosovë.
Takimi me diplomatët e akredituar në Kosovë është zhvilluar në ndërtesë ne Qeverisë, dhe në fund të tij nuk ka pasur deklarime për media.
Ndërkaq, diskutimi i Kurtit me ambasadorët vjen vetëm një ditë pasi në Kosovë ka qëndruar për vizitë emisari i Bashkimit Evropian për dialogun Kosovë-Serbi, Miroslav Lajçak.
Ndryshe, të enjten në mëngjes, Lajçak ka takuar Kurtin dhe zëvendësin e tij, Besnik Bislimin, ndërsa më vonë ka qëndruar në Mitrovicë ku është takuar me të parin e Mitrovicës së jugut, Bedri Hamzën, me politikanë serbë dhe përfaqësues të shoqërisë civile.
Ai ka deklaruar se ka zhvilluar diskutim të rëndësishëm me Kurtin, për rrugën përpara në procesin drejt normalizimit. /KP
