Kandidati për kryetar Bashkie në Himarë, Fredi Beleri, i cili është lënë sot në burg nga gjykata e Vlorës, ka reaguar për herë të parë nga qelia.
Në një postim në faqen e tij zyrtare të ‘Facebook’-ut, Beleri iu bën thirrje himariotëve dhe jo vetëm që ta mbështesin në zgjedhjet e 14 majit. Mes të tjerash ai shpreh falënderime për mbështetjen ndaj tij, duke theksuar se ka nevojë për të gjithë.
Përfundon seanca për Fredi Belerin, Gjykata e Vlorës merr vendimin, dosja në SPAK!
“Momenti është tani!! Ju dua të gjithëve në krah!! Asnjë të mos mungoj në zgjedhjet e 14 Majit!! Të gjithë jemi NJË dhe ju falënderoj nga thellësia e zemrës për mbështetjen, për dashurinë dhe ndihmën tuaj!! Të gjithë bashkë për ndryshimin!! Për të ardhmen e vendit tonë!!”, shkruan në mesazhin e tij Beleri.
Gjykata e la në burg, avokati i Fredi Belerit: Proces politik, s’u provua ekzistenca e listave!
Kandidati i koalicionit ‘Bashkë Fitojmë’ për bashkinë e Himarës, u arrestua pak pas mesnate të premten, nën akuzën për blerje votash. Ndërkohë, të shumta kanë qenë reagimet politike, ndërsa opozita e ka cilësuar skenar të Ramës. Po ashtu, reagime ka pasur dhe nga qeveria greke.
Beleri u la në burg, ‘shpërthen’ Dule: Procesi i ekzekutuar me urdhër të Edi Ramës!
