Pandeli Kokaveshi, miku i Fredi Belerit, kandidatit për kryetar bashkie në Himarë është lënë në burg pa afat.
Vendimi iu komunikua në spital, pasi u shtrua me urgjencë për shkak të problemeve shëndetësore me zemrën.
Ai u arrestua dje bashkë me Belerin me akuzën e blerjes së votave. Por ditën e sotme ka kërkuar ndihmë nga stafi i burgut duke u ankuar për probleme kardiake.
Për këtë arsye është transportuar drejt spitalit të burgut në QSUT. Më herët u la në burg edhe vetë Fredi Beleri.
