Kanë dalë rezultatet për Bashkitë e Pukës, Fushë Arrëz dhe Vau Dejës. Nga rezultatet e publikuara nga KQZ Puka tashmë ka kryetarin e ri të Bashkisë, Rrok Dodaj.
Kandidati i Berishës arriti të merrte fitoren me 3480 ose 58.13%. Rezultat i cili ishte ne avantazh me 973 vota në krahasim me kandidatin e PS, Gjon Gjonaj.
Ndërkohë është shpallur rezultati për Bashkinë e Fushë Arrëzit të cilën e ka marrë koalicioni “Bashkë Fitojmë”. Kandidati i Berishës, Hil Curri arriti të fitonte postin e kryetarit të Bashkisë me 821 vota para kandidatit të PS-së.
Në Vau të Dejës kandidati i PS-së, Kristian Shkreli është në avantazh dhe numëron 5958 vota ose 55.68%. Deri më tani janë janë numëruar 37 kuti nga 53.
