Pasditen e sotme rreth orës 15:45, në shkollën “Hajredin Fratari” në fshatin Fratar të Mallakastrës ka rënë zjarr.
Gjatë kohës që ka rënë zjarri, nuk ka pasur nxënës në shkollë. Paraprakisht dyshohet se zjarri ka rënë për shkaqe aksidentale.
Në vendngjarje kanë shkuar shërbimet e Policisë dhe shërbimet zjarrfikëse të cilat po punojnë për fikjen e zjarrit.
Grupi hetimor po punon për përcaktimin e shkaqeve të rënies së zjarrit.
