Erion Veliaj vijon të thellojë diferencën e votave ndaj rivalit te koalicionit “Bashke Fitojmë”, Belind Këlliçi, duke e çuar në 50 mijë vota diferencën. Në Bashkinë Tiranë nga 941 qendra votimi në total, deri më tani janë numëruar 823 prej tyre.
Kandidati i PS, Erion Veliaj kryeson rezultatin e numërimit të votave me 54.30 % (137.886 vota). Nga ana tjetër kandidati i koalicionit “Bashkë Fitojmë”, Belind Këlliçi e ndjek me 34.94 % (88.732 vota), pra Veliaj kryeson me rreth 50 mijë vota.
Ndërsa kandidatët e partive të tjera, konkretisht Arlind Qori i Lëvizjes Bashkë ka marrë deri tani 4.80% të votave.
