Erion Veliaj ka siguruar fitore të thellë Në Bashkinë Tiranë. Ai ka siguruar fitore të thellë me një diferencë mbi 58 mijë vota, ndaj kandidatit të ‘Bashkë Fitojmë’, Belind Këlliçit.
Kutia e fundit po numërohet në orët e para të mëngjesit. Kandidati i PS, Erion Veliaj ka marrë 54.69% (158531 vota). Sakaq, kandidati i koalicionit “BF”, Belind Këlliçi e ndjek në vendin e dytë me 34.58%(100246), me mbi 58 mijë vota diferencë.
Më tej kandidatët e partive të tjera, më konkretisht Arlind Qori i Lëvizjes Bashkë ka marrë deri tani 4.77% të votave. Roland Bejko i PD-së me 4.27%. Nga ana tjetër Lajla Përnaska e PDIU me 0.73%, ndërsa Marko Dajti i Frontit të Majtë ka 0.97%.
