Edhe një herë mes familjes Gosa dhe Rexha u derdh gjak. Dje Arjan Gosa, (vëllai i Edmond Gosës) u vra në sy të babait të tij me plumb në kokë nga Habib Rexha .
Vrasësi është vëllai i Altin Rexhës, i cili mbeti i vrarë pas konfliktit me Edmond Gosës i cili gjithashtu humbi jetën.
Vrasja në sy të babit të moshuar nuk ndodhi rastësisht por një hakmarrje e mirë menduar nga Rexha, pasi edhe i vëllai i tij u vra në sy të djalit 3 vjeç.
Vrasja e marsit ndodhi për motive të dobëta. Nga hetimet mbi ngjarjen rezulton se Edmond Gosa e fyente vazhdimisht Altin Rexhën në lidhje me origjinën e tij, ndërsa konflikti pati nisur për një “vështrim të shtrembër” mes tyre.
Mbrëmjen e 29 marsit teksa Rexha ndodhej bashkë me djalin e vet në afërsi të banesës së tij është konfliktuar sërish me Edmond Gosën i cili e ka qëlluar.
