Opozita do të kërkojë komision hetimor parlamentar për zgjedhjet e 14 Majit. Sali Berisha tha sot se po bëhet gati dosja me të gjitha provat. “Duhet të përgatisim me urgjencë kërkesën për komision hetimor parlamentar për këtë farsë. Ne po përgatisim raportin” tha Berisha.
Më tej, Sali Berisha listoi edhe njëherë disa nga manipulimet që sipas tij janë bërë. “Rama mbylli hetimin për Salvator Kaçin, Armando Prenga është i lirë edhe pse dhunoi veteranin e PD-së. Ulsi Manja është një kriminel. Ka terrorizuar burgjet dhe ka bërë transferime vetëm për qëllime elektorale.
Ulsi Manja është një kriminel i pakorrigjueshëm elektoral. Ai ka përdorur administratën e burgut për të terrorizuar të burgosur. Të burgosurit për krime të rënda janë kërcënuar se në rast se nuk bindin, nuk garantojnë kaq vota në burg, do transferohen në regjim special.
Komisioni hetimor do i nxjerrë të gjitha këto. Të gjitha këto janë të dokumentuara, se si kanë vepruar këta bosë nëpër burgje për të siguruar votat nëpër burgje” tha Berisha.
