Një ngjarje e pabesueshme ka ndodhur mëngjesin e së mërkurës në Zakynthos të Greqisë pas tragjedisë në Arta, ku një foshnjë 5.5 muajshe humbi jetën pasi babai i tij e la në makinë për disa orë.
Këtë herë një çift danez lanë në makinë fëmijën e tyre një vjeçar për të bërë pazar. Kalimtarët kanë parë fëmijën i vetëm brenda automjetit dhe kanë njoftuar policinë.
Menjëherë në vendngjarje kanë mbërritur efektivët, të cilët kanë liruar foshnjën, e cila është në gjendje të mirë shëndetësore dhe është dërguar me autoambulancë në spital, shkruajnë mediat greke.
Sipas vlerësimeve të policisë, fëmija ka qenë i vetëm në makinë për mbi 30 minuta. Nëna 34-vjeçare dhe partneri i saj 31-vjeçar u arrestuan.
