Makina e avokatit Adriatik Lapaj është përfshirë nga flakët. Policia ka njoftuar se si pasojë e zjarrit ka pasur vetëm dëme materiale, ndërsa dyshohet se ra si pasojë e një defekti në mjet
Ndërkohë vetë Lapaj ka reaguar në një postim në facebook duke sqaruar se ka qenë thjesht një defekt teknik.
“Nuk ka asgjë të qëllimshme. Si njerëzit që bëhen për spital edhe makinat pësojnë defekt. Asgjë nuk ka qenë e qëllimshme. Thjesht defekt. Ju dua”, ka reaguar Lapaj.
Njoftimi i policisë:
Me datë 25.05.2023, në rrugën “Kuvajt”, ka marrë flakë në lëvizje e sipër dhe është djegur automjeti me drejtues shtetasin A. L., dhe si pasojë e zjarrit ka vetëm dëme materiale.
Nga veprimet paraprake dyshohet se zjarri ka rënë si pasojë e një defekti në mjet, grupi hetimor po punon për përcaktimin e shkaqeve të rënies së zjarrit.
