Një varkë me vela është sulmuar nga një orka në brigjet jugore të Spanjës ku shumë incidente të ngjashme janë regjistruar që nga fillimi i vitit.
Në orët e para të së enjtes, anija lundruese me flamur britanik, Mustique e nisur të të shkuar në Gjibraltar u sulmua nga orka. Varkës iu thye timoni dhe iu shkaktua një çarje.
Ekuipazhi prej katër personash kërkoi ndihmë nga autoritetet spanjolle dhe një helikopter dhe një skaf i Rojës Bregdetare u dërguan me shpejtësi në zonë.
Varka me vela 20 metra e gjatë u tërhoq në portin Barbate për riparimet e nevojshme.
Pak ditë më parë, anija me vela Alboran Champagne u sulmua nga tre balena vrasëse gjysmë milje detare nga porti i Barbate. Për shkak të fluksit të shpejtë të ujit, ai nuk mund të tërhiqej dhe u fundos.
Edhe pse në popull njihen si “balena vrasëse”, orkat i përkasin familjes së delfinëve. Ata arrijnë një gjatësi prej tetë metrash dhe një peshë prej gjashtë tonësh.
