Shtetet e Bashkuara nuk do të pranojnë vendosjen e parakushteve nga Republika Popullore e Kinës në kuadër të përpjekjeve të Uashingtonit për të hapur linja komunikimi me Pekinin, i tha Zërit të Amerikës në një intervistë Këshilltari i Departamentit të Shtetit, Derek Chollet.
Zoti Chollet tha se deri tani nuk ka shumë shumë sinjale që të tregojnë gatishmërinë e Kinës për të përdorur ndikimin e saj ndaj Rusisë, për t’i dhënë fund luftës në Ukrainë.
Zyrtari i lartë amerikan bisedoi të martën me korrespondenten e Zërit të Amerikës në Departamentin e Shtetit, Nike Ching, rreth Kinës dhe Ukrainës, para Konferencës së Përfaqësuesve Diplomatikë të Shteteve të Bashkuara nëpër Botë, që pritet të mbahet në mesin e muajit qershor, ku ambasadorët amerikanë të rikthehen për takime në Uashington.
