Sot situata në veri të Kosovës është e qetë pas tensioneve të djeshme. Kryetari i Komunës së Leposaviçit, Lulzim Hetemi sot ka hyrë në komunë. Rreth orës 10:00 ai ka hyrë në komunë për të vazhduar punën.
Megjithatë, në afërsi të komunës po qëndrojnë njësitë speciale të Kosovës, si dhe KFOR-i. Aty janë edhe tre autoblinda. Policia po punon edhe sot në pastrimin e mbetjeve të zhavorrit e gurëve që kanë mbetur nga dje, 26 maj, kur serbët lokalë kanë protestuar për të mos lejuar hyrjen e Hetemit brenda objektit. Ata kanë zbrazur kamionët me gurë para Komunës.
Ministri i Punëve të Brendshme, Xhelal Sveçla, ka shkuar në Leposaviç sot. Ai ka hyrë në objektin e Komunës, ndërsa nuk ka folur për mediat. Pritet që pasi ta takojë kryetarin e Leposaviçit, Lulzim Hetemi, t’u përgjigjet edhe mediave.
