Familja shqiptare Malaj në Itali ka marrë një lajm të mirë pas tragjedisë së disa javëve më parë. Mbledhje fondesh për Tefta Malajn dhe 5-vjeçarin e saj. Ka nisur fushata në Torremaggiore, në zonën e Foggia-s, nga disa qytetarë për të ndihmuar 39-vjeçaren shqiptare që i mbijetoi masakrës së kryer nga burri që vrau vajzën dhe një italian që dyshonte se ishte i dashuri i bashkëshortes. Nëna me djalin shpëtuan.
U vranë nga bashkëshorti i Teftës, Taulant Malaj, aktualisht në burg, vajza Xhesika 16-vjeçare dhe fqinji 51-vjeçar Massimo De Santis. Gruaja, me djalin e saj 5-vjeçar, i cili i mbijetoi masakrës që ai pa me sy aktualisht ndodhet në një vend larg Torremaggiore, pasi ka marrë kërcënime nga të afërmit e burrit të saj dhe komente urrejtjeje dhe mbi të gjitha pasi ka shprehur vullnetin për të mos
U kthyer në shtëpinë ku i është vrarë vajza. Në ditët pas vrasjes së dyfishtë, avokati që ndihmonte gruan, Michele Sodrio, kishte kontaktuar edhe me Bashkinë e Torremaggiore për të kërkuar ndihmë financiare për Teftën dhe fëmijën e saj. Për atë që ka ndodhur në orët e fundit, Sodrio thotë se është “i lumtur, mbi të gjitha për solidaritetin që po tregojnë shumë njerëz”.
