Një denoncim për grabitje në mesnatë ka “ngritur në këmbë” policinë e Lushnjes që ka rrethuar zonën duke vendosur disa postblloqe, por deri tani nuk raportohet asnjë i arrestuar.
Në njoftimin e policisë theksohet se rreth orës 00:30 A. Gj., 37 vjeç, banues në fshatin Fier i Ri, Lushnjë ka telefonuar policinë duke denoncuar se disa persona ende të paidentifikuar i kishin hyrë në banesë dhe nën kërcënimin e armës dhe i kishin marrë një shumë parash.
Policia thotë se rrethoi zonën dhe vijon krehjen e saj me qëllim kapjen e autorëve. Janë shoqëruar disa persona dhe vijon shoqërimi i të tjerëve të dyshuar për këtë ngjarje.
Grupi hetimor, në bashkëpunim me Prokurorinë, vijon punën për zbardhjen e rrethanave të ngjarjes dhe fiksimin e çdo prove materiale që do të çojë në identifikimin dhe kapjen e autorëve.
Denoncimi në mes të natës: Erdhën më vunë pistoletën në kokë
