Disa qytetarë janë mbledhur në afërsi të Urës së Ibirit në Mitrovicë, për të marrë pjesë në protestën e cila u thirr në rrjetet sociale nga profile dhe persona deri tash të pa njohur, raporton Telegrafi.
Ndonëse Policia e Kosovës dhe ministri i Brendshëm, Xhelal Sveçla u bëri thirrje qytetarëve që të shpërfillin këto thirrje, një gjë e tillë nuk ndodhi.
Marshimi është thirrur nga persona të paidentifikuar në rrjetet sociale.
Përleshjet mes protestuesve serbë dhe pjesëtarëve të misionit paqeruajtës të NATO-s, KFOR, të hënën në Zveçan, lanë dhjetëra të plagosur në të dyja palët.
Policia e Kosovës në bilancin e publikuar një ditë më parë njoftoi se mbetën të plagosur 30 ushtarë të KFOR.
