Policia ka arrestuar 2 anglezë përkatësisht 27 dhe 33 vjeç të cilët shtireshin si turistë dhe kryenin veprimtarinë kriminale të shpërndarjes së lëndëve narkotike kanabis, kokainë dhe ekstazi.
Ndërkohë policia ka shpallur në kërkim bashkëpunëtorin e tyre 32-vjeçarin me inicialet Ë. K, gjithashtu shtetas anglez.
Sekuestrohen doza të lëndëve narkotike kokainë, kanabis dhe ekstazi, gati për shitje, shuma parash në lekë, euro dhe paund, që dyshohet se janë përfituar nga shitja e lëndëve narkotike, si dhe 2 peshore elektronike që shërbenin për peshimin e lëndëve narkotike në doza.
Gjithashtu u sekuestruan shuma parash, të dyshuara të përfituara nga kjo veprimtari kriminale, konkretisht 3 260 000 lekë, 12 110 euro dhe 2 060 paund.
Materialet procedurale i kaluan Prokurorisë, për veprime të mëtejshme.
