GJKKO ka pranuar familjarët e viktimave të tragjedisë së Gërdecit si palë në procesin ndaj ish-ministrit të Mbrojtjes Fatmir Mediu.
Gjithashtu GJKKO ka shtyrë edhe procesin e radhës ndaj ish-ministrit të Mbrojtjes Fatmir Mediu duke e vendosur më datën 22 qershor ora 14:00.
Çfarë ka ndodhur në Gërdec?
Më 15 mars të vitit 2008 Tirana do të lëkundej nga një shpërthim i fuqishëm i ndodhur vetëm pak kilometra larg, në fshatin e quajtur Gërdec.
Një magazinë e kthyer në “fabrikë” për demontimin e armëve shpërtheu duke u marrë jetën të paktën 26 personave, ndërsa qindra të tjerë mbeten të plagosur. Shumë shtëpi u shkatërruan totalisht dhe shpërthimi krijoi një krater të madh.
