Ka ndërruar jetë në moshën 52-vjeçare aktori i njohur amerikan, Mike Batayeh. Lajmi i hidhur për ndarjen nga jeta të aktorit është bërë i ditur për mediat një ditë më parë, ndërsa mësohet se artisti ka ndërruar jetë më 1 qershor.
Familja e aktorit ka njoftuar se ai vdiq në shtëpinë e tij në Michigan në gjumë më 1 qershor pas një ataku kardiak, raporton BBC. Familjarët të tronditur nga humbja e madhe, thonë se vdekja e aktorit ishte e papritur, pasi ai nuk kishte shfaqur probleme shëndetësore.
Mike njihet për rolin e tij në serialin amerikan “AMC Breaking Bad”. Gjithashtu ai ka fituar zemrën e publikut amerikan nga skeçet komike që bënte së fundmi.
Gjatë gjithë karrierës së tij ai u shfaq në filma të shumtë, American Dreamz dhe Detroit Unleaded, dhe në seriale televizive The Bernie Mac Show dhe CSI: Miami.
