Sekretari i Përgjithshëm i NATO-s, Jens Stoltenberg tha të mërkurën se ai pret që ministrat e mbrojtjes të aleancës të bien dakord për krijimin e një qendre të re detare të Organizatës së Traktatit të Atlantikut të Veriut për sigurinë e infrastrukturës kritike nënujore kur të takohen të enjten.
“Qendra do të rrisë ndërgjegjësimin tonë për situatën dhe do të forcojë praninë detare për parandalim dhe mbrojtje,” tha ai gjatë një konference për shtyp në Bruksel.
Stoltenberg shtoi se ministrat do të shqyrtojnë një plan të ri veprimi për prodhimin e mbrojtjes që synon forcimin e ndërveprimit të municioneve dhe pajisjeve të anëtarëve të NATO-s.
Ai tha gjithashtu se aleanca transatlantike duhet të bëjë më shumë për të standardizuar municionet dhe pajisjet.
Standardizimi është një përgjegjësi thelbësore e NATO-s. Duhet të bëjmë më shumë në standardizimin e municioneve”, nënvizoi ai dhe shtoi se industria e mbrojtjes ka nevojë për kontrata.
Në lidhje me kandidaturën e Suedisë për anëtarësim në NATO, Stoltenberg deklaroi se gjatë bisedimeve në Turqi është arritur njëfarë progresi.
