Kolegji Zgjedhor ka rrëzuar kërkesën e koalicionit “Bashkë Fitojmë”, i cili kërkoi shpalljen të pavlefshme të zgjedhjeve në Bashkinë e Belshit. Pas numërimit nga KAS, kandidati socialist Arif Tafani doli fitues me 49 vota diferencë ndaj kandidatit opozitar.
Kujtojmë se, pasditen e sotme Kolegji Zgjedhor vendosi ripërsëritjen e zgjedhjeve në Bashkinë e Rrogozhinës. Në këtë bashki, Edison Memolla nga krahu socialist fitoi me 23 vota diferencë përballë kandidatit të koalicionit “Bashkë Fitojmë”, Shkëlqim Hoxha. Ishte kutia e burgut që përmbysi rezultatin.
Koalicioni i Berishës e ankimoi vendimin fillimisht në KAS, që u rrëzua, më pas e çoi në Kolegj që është shkalla e fundit për procesin zgjedhor në Shqipëri. Kolegji vendosi përsëritjen e zgjedhjeve.
Numri i votave të pavlefshme në këtë zonë zgjedhore në votimin për kryetar të bashkisë është 276 vota, pra shumë herë më i madh se diferenca e votave mes kandidatëve.
