Deputetja Mesila Doda gjatë fjalës në Kuvend kërkoi një seancë të jashtëzakonshme për situatën e krijuar në Kosovë. Ajo u shpreh se shumica dhe opozita të lënë ndasitë dhe të bëhen bashkë për Kosovën në këtë moment të vështirë në veri.
“Më vjen shumë mirë që Olta Xhaçka na dha një raport për gjendjen dhe si ka shkuar situata në veri të Kosovës. Besoj që është çështja më e rëndësishme për të diskutuar sot. Sot komisionet e Jashtme duhet të ishin bashkë, Presidentët, kryeministrat.
Kosova na përket nga afër. Ne jemi të gjithë në krah. Një seancë e jashtëzakonshme duhet të ishte gjëja më natyrale. Duhet të jemi të përfshirë dhe të flasim me një zë duke hequr diferencat mes shumicës dhe opozitës.
Ky parlament nuk mund të jetë i anashkaluar. Duhet të themi fjalën tonë në një zë” tha ajo.
