Për herë të parë qeveria shqiptare ka miratuar strategjinë për sigurinë ushqimore. Ministrja e Bujqësisë, Frida Krifca u shpreh se kjo politikë është tërësisht e përafruar me BE-në.
“Është hera e parë që e miratojmë një akt të tillë, e përafruar me BE. E konsiderojmë këtë dokument tejet të rëndësishëm. Ka të bëjë me sigurinë ushqimore. Ne nisim këtë vit procesin screening.
Kjo ndahet në 3 pjesë, rregullatorë, aspekti i agro-përpunuesve, agro-industrisë për ushqime të sigurta dhe konsumatori i cili përmes vetëdijes, krijon një sensibilitet të lartë për evidentimin e problematikave në tregje” tha Krifca.
E pyetur për dëmtimin e të mbjellave sidomos në qarkun e Korçës, ministrja tha se është duke ndjekur zhvillimet si pasojë e motit të keq.
