Seanca e Kuvendit të sotëm nisi me debat. Ish-kryeministri Sali Berisha pasi kërkoi largimin e Bledi Çuçit nga posti i ministrit të Brendshëm tha se Kuvendi duhet të mbajë një minutë heshtje për vdekjen e muxhahedinit në kampin e MEK-ut. Por, kryetari i grupit të PS-së, Taulant Balla tha se Kuvendi nuk duhet të përfshihet në çështjet e drejtësisë.
“Teknika, mbylljani pak këtij zhurmuesit (Berishës). Ky që bën sikur i dhemb barku për atë që po heton drejtësia shqiptare, bën të njëjtën gjë sa herë që drejtësia bën detyrën e vet.
Kuvendi nuk mund të përfshihet në çështjet që i takojnë drejtësisë. Koha kur përfshihej ka marrë fund përgjithmonë. Kuvendi nuk mund të ndërhyjë dhe përfshihet.
Për atë që ka humbur jetën do të jetë fjala e drejtësisë që do ta përcaktojë. Ky (Berisha) bën korbin, skifterin, ne na duhet të vazhdojmë me rendin e ditës” tha ai.
