Një shpërndarës picash me motor është përplasur me një makinë tip “Mercedez-Benz” këtë të Shtunë, në qendër të qytetit të Gjirokastrës.
Aksidenti është shënuar në lagjen “18 Shtatori” dhe bëhet fjalë për një person rreth 50-vjeç. Ai ka humbur kontrollin e motorit si pasojë e temperaturave të larta dhe më pas i ka rënë të fikët.
Në vendngjarje ka mbërritur ambulanca dhe policia. Pritet që ai të dërgohet në spitalin rajonal për marrjen e kujdesit të duhur shëndetësor.
