Një mot me stuhi dhe shi të rrëmbyeshëm ka përfshirë Pejën sot në orët e mbrëmjes së të shtunës.
Shiu i rrëmbyeshëm që ka përfshirë qytetin e Pejës sonte ka bërë që të vështirësohet qarkullimi në këtë qytet, pasi shumica e rrugëve janë vërshuar nga uji, të cilat u ngjajnë lumenjve.
Shiu është shoqëruar edhe me erëra të fuqishme, që bashkë me vërshimet e ujit mund të kenë shkaktuar dëme të mëdha materiale në këtë qytet.
